chalo abhi pas-e-diwar dekh lete hain

chalo abhī pas-e-dīvār dekh lete haiñ

jahān-e-ḳhāk ke us paar dekh lete haiñ

sahar ke hote hī raḳht-e-safar jo bāñdhte haiñ

charāġh-e-sub.h ke āsār dekh lete haiñ

ham apnī raah se jūñhī bhaTakne lagte haiñ

to phir buzurgoñ kī dastār dekh lete haiñ

tumhārī aañkh ke pīchhe jo sab manāzir haiñ

tumheñ ḳhabar nahīñ ham yaar dekh lete haiñ

rafāqatoñ meñ baḌe maan rakhe jaate haiñ

so dostoñ ko ka.ī baar dekh lete haiñ

ka.ī baras se zamāne ke saath haiñ 'amabar'

ham ab zamāne kī raftār dekh lete haiñ

chalo abhi pas-e-diwar dekh lete hain

jahan-e-KHak ke us par dekh lete hain

sahar ke hote hi raKHt-e-safar jo bandhte hain

charagh-e-subh ke aasar dekh lete hain

hum apni rah se junhi bhaTakne lagte hain

to phir buzurgon ki dastar dekh lete hain

tumhaari aankh ke pichhe jo sab manazir hain

tumhein KHabar nahin hum yar dekh lete hain

rafaqaton mein baDe man rakhe jate hain

so doston ko kai bar dekh lete hain

kai baras se zamane ke sath hain 'amabar'

hum ab zamane ki raftar dekh lete hain