chalo mana ki phurtile nahin the

chalo maanā ki phurtīle nahīñ the

magar itne bhī ham Dhīle nahīñ the

ḳhayāloñ meñ sajā lete the un ko

hamāre shauq ḳharchīle nahīñ the

maza manzil ko pā kar bhī na aayā

safar meñ ret ke Tiile nahīñ the

havelī meñ sabhī rahte the mil kar

tab itne rishte zahrīle nahīñ the

kabhī aate the ḳhat un ke bhī 'kalkal'

vo pahle itne sharmīle nahīñ the

chalo mana ki phurtile nahin the

magar itne bhi hum Dhile nahin the

KHayalon mein saja lete the un ko

hamare shauq KHarchile nahin the

maza manzil ko pa kar bhi na aaya

safar mein ret ke Tile nahin the

haweli mein sabhi rahte the mil kar

tab itne rishte zahrile nahin the

kabhi aate the KHat un ke bhi 'kalkal'

wo pahle itne sharmile nahin the