chalo surang se pahle guzar ke dekha jae

chalo surañg se pahle guzar ke dekhā jaa.e

phir is pahāḌ ko kāñdhoñ pe dhar ke dekhā jaa.e

udhar ke saare tamāshoñ ke rañg dekh chuke

ab is taraf bhī kisī roz mar ke dekhā jaa.e

vo chāhtā hai kiyā jaa.e e'tibār us par

to e'tibār bhī kuchh roz kar ke dekhā jaa.e

kahāñ pahuñch ke hadeñ sab tamām hotī haiñ

is āsmān se nīche utar ke dekhā jaa.e

ye darmiyān meñ kis kā sarāpā aatā hai

agar ye had hai to had se guzar ke dekhā jaa.e

ye dekhā jaa.e vo kitne qarīb aatā hai

phir is ke baad hī inkār kar ke dekhā jaa.e

chalo surang se pahle guzar ke dekha jae

phir is pahaD ko kandhon pe dhar ke dekha jae

udhar ke sare tamashon ke rang dekh chuke

ab is taraf bhi kisi roz mar ke dekha jae

wo chahta hai kiya jae e'tibar us par

to e'tibar bhi kuchh roz kar ke dekha jae

kahan pahunch ke haden sab tamam hoti hain

is aasman se niche utar ke dekha jae

ye darmiyan mein kis ka sarapa aata hai

agar ye had hai to had se guzar ke dekha jae

ye dekha jae wo kitne qarib aata hai

phir is ke baad hi inkar kar ke dekha jae