chalte chalte ye gali be-jaan hoti jaegi
chalte chalte ye galī be-jān hotī jā.egī
raat hotī jā.egī sunsān hotī jā.egī
dekhnā kyā hai nazar-andāz karnā hai kise
manzaroñ kī ḳhud-ba-ḳhud pahchān hotī jā.egī
us ke chehre par musalsal aañkh ruk saktī nahīñ
aañkh bār-e-husn se halkān hotī jā.egī
soch lo ye dil-lagī bhārī na paḌ jaa.e kahīñ
jaan jis ko kah rahe ho jaan hotī jā.egī
kar hī kyā saktī hai duniyā aur tujh ko dekh kar
dekhtī jā.egī aur hairān hotī jā.egī
kākul-e-ḳhamdār meñ ḳham aur aate jā.eñge
zulf us kī aur bhī shaitān hotī jā.egī
aate aate ishq karne kā hunar aa jā.egā
rafta-rafta zindagī āsān hotī jā.egī
jā chukīñ ḳhushiyāñ to ab ġham hijrateñ karne lage
dil kī bastī is tarah vīrān hotī jā.egī
chalte chalte ye gali be-jaan hoti jaegi
raat hoti jaegi sunsan hoti jaegi
dekhna kya hai nazar-andaz karna hai kise
manzaron ki KHud-ba-KHud pahchan hoti jaegi
us ke chehre par musalsal aankh ruk sakti nahin
aankh bar-e-husn se halkan hoti jaegi
soch lo ye dil-lagi bhaari na paD jae kahin
jaan jis ko kah rahe ho jaan hoti jaegi
kar hi kya sakti hai duniya aur tujh ko dekh kar
dekhti jaegi aur hairan hoti jaegi
kakul-e-KHamdar mein KHam aur aate jaenge
zulf us ki aur bhi shaitan hoti jaegi
aate aate ishq karne ka hunar aa jaega
rafta-rafta zindagi aasan hoti jaegi
ja chukin KHushiyan to ab gham hijraten karne lage
dil ki basti is tarah viran hoti jaegi
Source:
Subh Bakhair Zindagi (Pg. 47)
- Author: Ameer Imam
-
- Edition: First
- Publisher: Rekhta Publications
- Year of Publication: 2018
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
