chamakte lafz sitaron se chhin lae hain

chamakte lafz sitāroñ se chhīn laa.e haiñ

ham āsmāñ se ġhazal kī zamīn laa.e haiñ

vo aur hoñge jo ḳhanjar chhupā ke laate haiñ

ham apne saath phaTī āstīn laa.e haiñ

hamārī baat kī gahrā.ī ḳhaak samjheñge

jo parbatoñ ke liye ḳhurdbīn laa.e haiñ

hañso na ham pe ki har bad-nasīb banjāre

saroñ pe rakh ke vatan kī zamīn laa.e haiñ

mire qabīle ke bachchoñ ke khel bhī haiñ ajiib

kisī sipāhī kī talvār chhīn laa.e haiñ

chamakte lafz sitaron se chhin lae hain

hum aasman se ghazal ki zamin lae hain

wo aur honge jo KHanjar chhupa ke late hain

hum apne sath phaTi aastin lae hain

hamari baat ki gahrai KHak samjhenge

jo parbaton ke liye KHurdbin lae hain

hanso na hum pe ki har bad-nasib banjare

saron pe rakh ke watan ki zamin lae hain

mere qabile ke bachchon ke khel bhi hain ajib

kisi sipahi ki talwar chhin lae hain