chaman chaman mein hain barpa ye kaise hangame

chaman chaman meñ haiñ barpā ye kaise hañgāme

kalī ke titlī ke bhauñroñ ke gul ke hañgāme

hazār rang ke phūloñ se baaġh kī zīnat

bahār aa.ī to laa.ī hai itne hañgāme

mirī ḳhamoshī ke mā'nī kuchh aur hī samjhe

isī liye to uThā.e haiñ itne hañgāme

vo raah bhuul chuke the maiñ bach ke kyā kartī

mirī galī meñ magar kis qadar the hañgāme

huī tujhe kabhī ai dil ma.aal kī parvāh

har ek saañs kī dhaḌkan meñ kitne hañgāme

zarā pata to lagā nafratoñ ke saudāgar

uThe haiñ kaun galī se machā.e hañgāme

hamārī be-ḳhabarī hai sazā hamāre liye

añdherī rāhoñ meñ ugte haiñ saare hañgāme

ġham-e-hayāt se bachne ke sau bahāne haiñ

azīz-tar haiñ mujhe zindagī ke hañgāme

hazār baar mujhe DhūñD kar palaT aa.e

haiñ kitne zarf-e-nazar shahr ke ye hañgāme

ye dil ki dast-e-talab kar sakā kabhī na darāz

na bhuul paayā kabhī aarzū ke hañgāme

'anīs' tum ne basā.e haiñ dil kī dhaḌkan meñ

taḳhayyulāt ke āñchal se le ke hañgāme

chaman chaman mein hain barpa ye kaise hangame

kali ke titli ke bhaunron ke gul ke hangame

hazar rang ke phulon se bagh ki zinat

bahaar aai to lai hai itne hangame

meri KHamoshi ke ma'ni kuchh aur hi samjhe

isi liye to uThae hain itne hangame

wo rah bhul chuke the main bach ke kya karti

meri gali mein magar kis qadar the hangame

hui tujhe kabhi ai dil maal ki parwah

har ek sans ki dhaDkan mein kitne hangame

zara pata to laga nafraton ke saudagar

uThe hain kaun gali se machae hangame

hamari be-KHabari hai saza hamare liye

andheri rahon mein ugte hain sare hangame

gham-e-hayat se bachne ke sau bahane hain

aziz-tar hain mujhe zindagi ke hangame

hazar bar mujhe DhunD kar palaT aae

hain kitne zarf-e-nazar shahr ke ye hangame

ye dil ki dast-e-talab kar saka kabhi na daraaz

na bhul paya kabhi aarzu ke hangame

'anis' tum ne basae hain dil ki dhaDkan mein

taKHayyulat ke aanchal se le ke hangame