chaman ko aag lagane ki baat karta hun

chaman ko aag lagāne kī baat kartā huuñ

samajh sako to Thikāne kī baat kartā huuñ

sahar ko sham jalāne kī baat kartā huuñ

ye ġhāfiloñ ko jagāne kī baat kartā huuñ

ravish ravish pe bichhā do babūl ke kāñTe

chaman se lutf uThāne kī baat kartā huuñ

vo bāġhbān jo paudoñ se bair rakhtā hai

ye aap hī ke zamāne kī baat kartā huuñ

sharāb-e-surḳh kī maujoñ se mudda.ā hogā

agar maiñ ḳhuun bahāne kī baat kartā huuñ

vo sirf apne liye jaam kar rahe haiñ talab

maiñ har kisī ko pilāne kī baat kartā huuñ

yahāñ charāġh tale luuT hai añdherā hai

kahāñ charāġh jalāne kī baat kartā huuñ

is anjuman se uThā huuñ kharī kharī kah kar

phir anjuman meñ na aane kī baat kartā huuñ

dabī zabāñ se guzārish hai nāgavār agar

to kyā savāl uThāne kī baat kartā huuñ

naqāb-e-rū-e-zamāna na uTh sakegī ki maiñ

guloñ se os uThāne kī baat kartā huuñ

ghise ho.uuñ ko na.ī fikr de rahā huuñ 'shād'

mañjhe ho.uuñ ko sikhāne kī baat kartā huuñ

chaman ko aag lagane ki baat karta hun

samajh sako to Thikane ki baat karta hun

sahar ko sham jalane ki baat karta hun

ye ghafilon ko jagane ki baat karta hun

rawish rawish pe bichha do babul ke kanTe

chaman se lutf uThane ki baat karta hun

wo baghban jo paudon se bair rakhta hai

ye aap hi ke zamane ki baat karta hun

sharab-e-surKH ki maujon se muddaa hoga

agar main KHun bahane ki baat karta hun

wo sirf apne liye jam kar rahe hain talab

main har kisi ko pilane ki baat karta hun

yahan charagh tale luT hai andhera hai

kahan charagh jalane ki baat karta hun

is anjuman se uTha hun khari khari kah kar

phir anjuman mein na aane ki baat karta hun

dabi zaban se guzarish hai nagawar agar

to kya sawal uThane ki baat karta hun

naqab-e-ru-e-zamana na uTh sakegi ki main

gulon se os uThane ki baat karta hun

ghise houn ko nai fikr de raha hun 'shad'

manjhe houn ko sikhane ki baat karta hun