chaman ko lag gai kis ki nazar KHuda jaane

chaman ko lag ga.ī kis kī nazar ḳhudā jaane

chaman rahā na rahe vo chaman ke afsāne

sunā nahīñ hameñ ujḌe chaman ke afsāne

ye rang ho to sanak jaa.eñ kyuuñ na dīvāne

chhalak rahe haiñ surāhī ke saath paimāne

bulā rahā hai haram, Tokte haiñ but-ḳhāne

khisak bhī jā.egī botal to pakḌe jā.eñge rind

janāb-e-shaiḳh lage aap kyuuñ qasam khāne

ḳhizāñ meñ ahl-e-nasheman kā haal to dekhā

qafas nasīb pe kyā guzrī hai ḳhudā jaane

hujūm-e-hashr meñ apne gunāhgāroñ ko

tire sivā koī aisā nahīñ jo pahchāne

naqāb ruḳh se na sarkī thī kal talak jin kī

sabhā meñ aaj vo aa.e haiñ nāchne-gāne

kisī kī mast-ḳhirāmī se shaiḳh nālāñ haiñ

qadam qadam pe bane jā rahe haiñ mai-ḳhāne

ye inqilāb nahīñ hai to aur kyā 'bismil'

nazar badalne lage apne jāne-pahchāne

chaman ko lag gai kis ki nazar KHuda jaane

chaman raha na rahe wo chaman ke afsane

suna nahin hamein ujDe chaman ke afsane

ye rang ho to sanak jaen kyun na diwane

chhalak rahe hain surahi ke sath paimane

bula raha hai haram, Tokte hain but-KHane

khisak bhi jaegi botal to pakDe jaenge rind

janab-e-shaiKH lage aap kyun qasam khane

KHizan mein ahl-e-nasheman ka haal to dekha

qafas nasib pe kya guzri hai KHuda jaane

hujum-e-hashr mein apne gunahgaron ko

tere siwa koi aisa nahin jo pahchane

naqab ruKH se na sarki thi kal talak jin ki

sabha mein aaj wo aae hain nachne-gane

kisi ki mast-KHirami se shaiKH nalan hain

qadam qadam pe bane ja rahe hain mai-KHane

ye inqilab nahin hai to aur kya 'bismil'

nazar badalne lage apne jaane-pahchane