chaman ko phul watan ko nai bahaar mile

chaman ko phuul vatan ko na.ī bahār mile

hameñ bhī dāman-e-sad-chāk-o-tār-tār mile

ḳhizāñ meñ ham ne bahāroñ ke giit gaa.e the

hameñ bahār-e-gulistāñ pe iḳhtiyār mile

yahī hai āmad-e-fasl-e-bahār kā hāsil

tamām phuul gulistāñ meñ dil-figār mile

jinheñ ġhurūr thā duniyā meñ kaj-kulāhī kā

farāz-e-dār pe ham ko vo tājdār mile

'shabānā' ham bhī dikhā.eñ kamāl-e-sher agar

zabān-e-urdu ko māhaul sāzgār mile

chaman ko phul watan ko nai bahaar mile

hamein bhi daman-e-sad-chaak-o-tar-tar mile

KHizan mein hum ne bahaaron ke git gae the

hamein bahaar-e-gulistan pe iKHtiyar mile

yahi hai aamad-e-fasl-e-bahaar ka hasil

tamam phul gulistan mein dil-figar mile

jinhen ghurur tha duniya mein kaj-kulahi ka

faraaz-e-dar pe hum ko wo tajdar mile

'shabana' hum bhi dikhaen kamal-e-sher agar

zaban-e-urdu ko mahaul sazgar mile