chaman mein kaun babulon ki Dal khinchta hai

chaman meñ kaun babūloñ kī Daal khīñchtā hai

yahāñ jo aatā hai phūloñ ke gaal khīñchtā hai

vo tiir baa'd meñ pahle savāl khīñchtā hai

savāl bhī jo samā'at kī khaal khīñchtā hai

ai pyaar bāñTne vaale maiñ ḳhuub jāntā huuñ

ki kitnī der meñ machhvārā jaal khīñchtā hai

nikal bhī saktā huuñ qaid-e-taḳhayyulāt se gar

vo shaḳhs khīñch le jis kā ḳhayāl khīñchtā hai

maiñ us ke aage nahīñ khīñchtā niyām se teġh

vo sher-shāh jo dushman kī Dhaal khīñchtā hai

ye sard sub.h meñ soyā sharārtī sūraj

bas aañkh khulte hī pariyoñ kī shaal khīñchtā hai

maiñ hosh-mand huuñ ḳhud bhī so merī ġhazloñ meñ

na raqs kartā hai 'āshiq na baal khīñchtā hai

chaman mein kaun babulon ki Dal khinchta hai

yahan jo aata hai phulon ke gal khinchta hai

wo tir ba'd mein pahle sawal khinchta hai

sawal bhi jo sama'at ki khaal khinchta hai

ai pyar banTne wale main KHub jaanta hun

ki kitni der mein machhwara jal khinchta hai

nikal bhi sakta hun qaid-e-taKHayyulat se gar

wo shaKHs khinch le jis ka KHayal khinchta hai

main us ke aage nahin khinchta niyam se tegh

wo sher-shah jo dushman ki Dhaal khinchta hai

ye sard subh mein soya shararti suraj

bas aankh khulte hi pariyon ki shaal khinchta hai

main hosh-mand hun KHud bhi so meri ghazlon mein

na raqs karta hai 'ashiq na baal khinchta hai