chaman mein sair ki KHatir jo gul-izar aae

chaman meñ sair kī ḳhātir jo gul-izār aa.e

ḳhirāj-e-husn adā karne barg-o-bār aa.e

harīm-e-nāz kī mojiz-numā.iyoñ ke rumūz

agar kaheñ to kisī ko na e.atibār aa.e

surūr tuur ke jalve se hai jinheñ hāsil

vo sajda-gāh-e-mohabbat meñ be-qarār aa.e

jo harf-o-saut kī bandish na kar sake angez

ḳhayāl-e-āriz-o-gesū meñ ashk-bār aa.e

gul-e-sabad hai ye 'nasrīñ' kā sher chun lījiye

hamāre tarz-e-suḳhan se kabhī na aar aa.e

chaman mein sair ki KHatir jo gul-izar aae

KHiraj-e-husn ada karne barg-o-bar aae

harim-e-naz ki mojiz-numaiyon ke rumuz

agar kahen to kisi ko na eatibar aae

surur tur ke jalwe se hai jinhen hasil

wo sajda-gah-e-mohabbat mein be-qarar aae

jo harf-o-saut ki bandish na kar sake angez

KHayal-e-ariz-o-gesu mein ashk-bar aae

gul-e-sabad hai ye 'nasrin' ka sher chun lijiye

hamare tarz-e-suKHan se kabhi na aar aae