chaman mein wo faramoshi ka mausam tha main KHud ko bhi

chaman meñ vo farāmoshī kā mausam thā maiñ ḳhud ko bhī

zamīñ par barg-e-āvāra nazar aayā to yaad aayā

abhī ik nisbat-e-dār-o-rasan kā qarz baaqī hai

farāz jaah o mansab se utar aayā to yaad aayā

bhulāyā gardish-e-ayyām ne dast-e-pidar yuuñ to

magar jab moḌ koī pur-ḳhatar aayā to yaad aayā

kisī kī aañkh kā taarā huā karte the ham bhī to

achānak shaam kā taarā nazar aayā to yaad aayā

bharā bāzār thā kuchh jins-e-jāñ ke daam lag jaate

shahādat-gāh-e-duniyā se guzar aayā to yaad aayā

chaman mein wo faramoshi ka mausam tha main KHud ko bhi

zamin par barg-e-awara nazar aaya to yaad aaya

abhi ek nisbat-e-dar-o-rasan ka qarz baqi hai

faraaz jah o mansab se utar aaya to yaad aaya

bhulaya gardish-e-ayyam ne dast-e-pidar yun to

magar jab moD koi pur-KHatar aaya to yaad aaya

kisi ki aankh ka tara hua karte the hum bhi to

achanak sham ka tara nazar aaya to yaad aaya

bhara bazar tha kuchh jins-e-jaan ke dam lag jate

shahadat-gah-e-duniya se guzar aaya to yaad aaya