chamka jo tirgi mein ujala bikhar gaya
chamkā jo tīrgī meñ ujālā bikhar gayā
nanhā sā ek jugnū baḌā kaam kar gayā
vo niiñd ke safar meñ to maḳhmūr thā bahut
āñkheñ khulīñ to ḳhvāb ke manzar se Dar gayā
aañsū the is qadar mirī chashm-e-malāl meñ
har gosha gosha shahr kā ashkoñ se bhar gayā
phailī huī hai chāñdnī ehsās meñ mire
ye kaun merī zaat ke andar utar gayā
har shaḳhs hī kamandeñ 'zafar' pheñkne lagā
ik pal ke vāste jo ḳhalā meñ Thahar gayā
chamka jo tirgi mein ujala bikhar gaya
nanha sa ek jugnu baDa kaam kar gaya
wo nind ke safar mein to maKHmur tha bahut
aankhen khulin to KHwab ke manzar se Dar gaya
aansu the is qadar meri chashm-e-malal mein
har gosha gosha shahr ka ashkon se bhar gaya
phaili hui hai chandni ehsas mein mere
ye kaun meri zat ke andar utar gaya
har shaKHs hi kamanden 'zafar' phenkne laga
ek pal ke waste jo KHala mein Thahar gaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
