charagh-e-shauq lahu se jala diya humne

charāġh-e-shauq lahū se jalā diyā ham ne

ik aur qissa-e-vahshat sunā diyā ham ne

jo mauj sar ko paTaktī rahī hai sāhil se

usī ko rū-kash-e-tūfāñ banā diyā ham ne

na.e jo ham-safar-e-kesh-e-ishq haiñ un ko

ma.āl-e-soz-e-mohabbat banā diyā ham ne

basān-e-ḳhāna-ba-doshāñ ka.ī hai umr apnī

jahāñ qayām kiyā ghar banā diyā ham ne

bujhī bujhī sī rahe sham-e-ārzū sar-e-bazm

so raushnī ke liye dil jalā diyā ham ne

zamīn-e-shor lagī dasht-e-ārzū meñ jahāñ

vahīñ pe ishq kā paudā lagā diyā ham ne

chale haiñ rah-guzar-e-shauq par havā kī tarah

jo aayā sāmne 'rāhī' haTā diyā ham ne

charagh-e-shauq lahu se jala diya hum ne

ek aur qissa-e-wahshat suna diya hum ne

jo mauj sar ko paTakti rahi hai sahil se

usi ko ru-kash-e-tufan bana diya hum ne

nae jo ham-safar-e-kesh-e-ishq hain un ko

maal-e-soz-e-mohabbat bana diya hum ne

basan-e-KHana-ba-doshan kai hai umr apni

jahan qayam kiya ghar bana diya hum ne

bujhi bujhi si rahe sham-e-arzu sar-e-bazm

so raushni ke liye dil jala diya hum ne

zamin-e-shor lagi dasht-e-arzu mein jahan

wahin pe ishq ka pauda laga diya hum ne

chale hain rah-guzar-e-shauq par hawa ki tarah

jo aaya samne 'rahi' haTa diya hum ne