chashm-e-KHuban KHamushi mein bhi nawa-pardaz hai

chashm-e-ḳhūbāñ ḳhāmushī meñ bhī navā-pardāz hai

surma to kahve ki dūd-e-sho.ala-e-āvāz hai

paikar-e-ushshāq sāz-e-tāla-e-nā-sāz hai

naala goyā gardish-e-saiyyāra kī āvāz hai

dast-gāh-e-dīda-e-ḳhūñ-bār-e-majnūñ dekhnā

yak-bayābāñ jalva-e-gul farsh-e-pā-andāz hai

chashm-e-ḳhūbāñ mai-farosh-e-nashsha-zār-e-nāz hai

surma goyā mauj-e-dūd-e-shola-e-āvāz hai

hai sarīr-e-ḳhāma rezish-hā-e-istiqbāl-e-nāz

naama ḳhud paiġhām ko bāl-o-par-e-parvāz hai

sar-navisht-e-iztirāb-anjāmi-e-ulfat na pūchh

nāl-e-ḳhāma ḳhār-ḳhār-e-ḳhātir-e-āġhāz hai

shoḳhi-e-iz.hār ġhair-az-vahshat-e-majnūñ nahīñ

lailā-e-manī 'asad' mahmil-nashīn-e-rāz hai

naġhma hai kānoñ meñ us ke nāla-e-murġh-e-asīr

rishta-e-pā yaañ navā-sāmān-e-band-e-sāz hai

sharm hai tarz-e-talāsh-e-intiḳhāb-e-yak-nigāh

iztirāb-e-chashm barpā doḳhta-ġhammāz hai

chashm-e-KHuban KHamushi mein bhi nawa-pardaz hai

surma to kahwe ki dud-e-shoala-e-awaz hai

paikar-e-ushshaq saz-e-tala-e-na-saz hai

nala goya gardish-e-saiyyara ki aawaz hai

dast-gah-e-dida-e-KHun-bar-e-majnun dekhna

yak-bayaban jalwa-e-gul farsh-e-pa-andaz hai

chashm-e-KHuban mai-farosh-e-nashsha-zar-e-naz hai

surma goya mauj-e-dud-e-shola-e-awaz hai

hai sarir-e-KHama rezish-ha-e-istiqbaal-e-naz

nama KHud paigham ko baal-o-par-e-parwaz hai

sar-nawisht-e-iztirab-anjami-e-ulfat na puchh

nal-e-KHama KHar-KHar-e-KHatir-e-aghaz hai

shoKHi-e-izhaar ghair-az-wahshat-e-majnun nahin

laila-e-mani 'asad' mahmil-nashin-e-raaz hai

naghma hai kanon mein us ke nala-e-murgh-e-asir

rishta-e-pa yan nawa-saman-e-band-e-saz hai

sharm hai tarz-e-talash-e-intiKHab-e-yak-nigah

iztirab-e-chashm barpa doKHta-ghammaz hai