chashm-e-mast-e-saqi se dil hua KHarab-abaad

chashm-e-mast-e-sāqī se dil huā ḳharāb-ābād

mai-kada hai aur mastī ab to harche bādā-bād

mil-milā ke donoñ ne dil ko kar diyā barbād

husn ne kiyā be-ḳhud ishq ne kiyā āzād

merā TūTā-phūTā dil ban gayā vatan us kā

be-vatan thā āvāra ishq-e-ḳhānumā-barbād

mastī-e-anā lailā kār-e-ishq-e-majnūñ hai

kaif-e-vasl-e-shīrīñ hai naqsh-e-tesha-e-farhād

jism-o-jān kā ilhāq vaj.h-e-ranj-o-rāhat hai

band-e-shādī-o-ġham se jān-e-pāk hai āzād

shauq aur tanaffur meñ raaz us kā pinhāñ hai

hai koī agar dil-gīr hai agar koī dil-shād

ġhaflat aur nādānī vaj.h-e-shauq-o-nafrat hai

hai jo ain-e-irfāñ meñ be-sabāt-o-be-buniyād

band-e-ranj-o-rāhat se fikr-e-shauq-o-nafrat se

qaid-e-jehl-o-ġhaflat se ḳhud-shanās hai āzād

jalva us kā ai 'sāhir' chashm-e-pāk-bīñ se dekh

husn-e-lā-yāzlī se shash-jahāt haiñ ābād

chashm-e-mast-e-saqi se dil hua KHarab-abaad

mai-kada hai aur masti ab to harche baada-baad

mil-mila ke donon ne dil ko kar diya barbaad

husn ne kiya be-KHud ishq ne kiya aazad

mera TuTa-phuTa dil ban gaya watan us ka

be-watan tha aawara ishq-e-KHanuma-barbaad

masti-e-ana laila kar-e-ishq-e-majnun hai

kaif-e-wasl-e-shirin hai naqsh-e-tesha-e-farhad

jism-o-jaan ka ilhaq wajh-e-ranj-o-rahat hai

band-e-shadi-o-gham se jaan-e-pak hai aazad

shauq aur tanaffur mein raaz us ka pinhan hai

hai koi agar dil-gir hai agar koi dil-shad

ghaflat aur nadani wajh-e-shauq-o-nafrat hai

hai jo ain-e-irfan mein be-sabaat-o-be-buniyaad

band-e-ranj-o-rahat se fikr-e-shauq-o-nafrat se

qaid-e-jehl-o-ghaflat se KHud-shanas hai aazad

jalwa us ka ai 'sahir' chashm-e-pak-bin se dekh

husn-e-la-yazli se shash-jahat hain aabaad