chashm-e-millat mein makin kaun hai aagha shorish

chashm-e-millat meñ makīñ kaun hai aaġhā shorish

gosha-e-dil ke qarīñ kaun hai aaġhā shorish

sher-o-inshā kī bahāreñ haiñ bahāreñ jis se

vo bahāroñ se hasīñ kaun hai aaġhā shorish

jis pe be-tūl ḳhazāne bhī luTā ke na huuñ ser

be-bahā durr-e-samīñ kaun hai aaġhā shorish

jis kī jāñkāhī-e-īsār se zindāñ bhī thā tuur

vo daraḳhshanda nagīñ kaun hai aaġhā shorish

kis kī bebākī-e-kirdār hai īmāñ afroz

ġhairat-e-dair-nashīñ kaun hai aaġhā shorish

jis ko europe kā muqāmir na kabhī jiit sake

nard-e-nā-said-e-makīñ kaun hai aaġhā shorish

jis javāñ-fikr kī taqrīr se bātil larze

vo javāñ azm-o-yaqīñ kaun hai aaġhā shorish

kis kī kirnoñ meñ na.e sānehe paḌh sakte haiñ

hind kī tāb-e-jabīñ kaun hai aaġhā shorish

azm-e-īsār kā ik paikar-e-bedār-o-buland

hamdam-e-zār-o-hazīñ kaun hai aaġhā shorish

pūchhā saaqī se mai-e-tund ne mastī chillā.ī

mard-e-pā.inda-tarīñ kaun hai aaġhā shorish

shorisheñ aap kī haiñ ma.anī-e-nau se labrez

amn-e-ālam kā amiiñ kaun hai aaġhā shorish

chashm-e-millat mein makin kaun hai aagha shorish

gosha-e-dil ke qarin kaun hai aagha shorish

sher-o-insha ki bahaaren hain bahaaren jis se

wo bahaaron se hasin kaun hai aagha shorish

jis pe be-tul KHazane bhi luTa ke na hun ser

be-baha durr-e-samin kaun hai aagha shorish

jis ki jaankahi-e-isar se zindan bhi tha tur

wo daraKHshanda nagin kaun hai aagha shorish

kis ki bebaki-e-kirdar hai iman afroz

ghairat-e-dair-nashin kaun hai aagha shorish

jis ko europe ka muqamir na kabhi jit sake

nard-e-na-said-e-makin kaun hai aagha shorish

jis jawan-fikr ki taqrir se baatil larze

wo jawan azm-o-yaqin kaun hai aagha shorish

kis ki kirnon mein nae sanehe paDh sakte hain

hind ki tab-e-jabin kaun hai aagha shorish

azm-e-isar ka ek paikar-e-bedar-o-buland

hamdam-e-zar-o-hazin kaun hai aagha shorish

puchha saqi se mai-e-tund ne masti chillai

mard-e-painda-tarin kaun hai aagha shorish

shorishen aap ki hain mani-e-nau se labrez

amn-e-alam ka amin kaun hai aagha shorish