chashm-e-zarKHez ka hi rona hai

chashm-e-zarḳhez kā hī ronā hai

sab ko āñkhoñ meñ ḳhvāb bonā hai

itne paanī meñ duub jā.egā

man ke āñgan ko bas bhigonā hai

ek duniyā hai manzil-e-maqsūd

ek duniyā hai jis ko Dhonā hai

kisī tūfāñ ko nā-ḳhudā kar ke

kisī kashtī ko paar honā hai

vo tasavvur bhī hai haqīqat bhī

us ko paanā bhī us ko khonā hai

oḌhnā kyā hai aur bichhaunā kyā

niiñd aane pe sab ko sonā hai

chashm-e-zarKHez ka hi rona hai

sab ko aankhon mein KHwab bona hai

itne pani mein dub jaega

man ke aangan ko bas bhigona hai

ek duniya hai manzil-e-maqsud

ek duniya hai jis ko Dhona hai

kisi tufan ko na-KHuda kar ke

kisi kashti ko par hona hai

wo tasawwur bhi hai haqiqat bhi

us ko pana bhi us ko khona hai

oDhna kya hai aur bichhauna kya

nind aane pe sab ko sona hai