chehra dekhen tere honT aur palken dekhen
chehrā dekheñ tere hoñT aur palkeñ dekheñ
dil pe āñkheñ rakkheñ terī sāñseñ dekheñ
surḳh laboñ se sabz duā.eñ phūTī haiñ
piile phūloñ tum ko niilī āñkheñ dekheñ
saal hone ko aayā hai vo kab lauTegā
aao khet kī sair ko nikleñ kūñjeñ dekheñ
thoḌī der meñ jañgal ham ko aaq karegā
bargad dekheñ yā bargad kī shāḳheñ dekheñ
mere mālik aap to sab kuchh kar sakte haiñ
saath chaleñ ham aur duniyā kī āñkheñ dekheñ
ham tere hoñToñ kī larzish kab bhūle haiñ
paanī meñ patthar pheñkeñ aur lahreñ dekheñ
chehra dekhen tere honT aur palken dekhen
dil pe aankhen rakkhen teri sansen dekhen
surKH labon se sabz duaen phuTi hain
pile phulon tum ko nili aankhen dekhen
sal hone ko aaya hai wo kab lauTega
aao khet ki sair ko niklen kunjen dekhen
thoDi der mein jangal hum ko aaq karega
bargad dekhen ya bargad ki shaKHen dekhen
mere malik aap to sab kuchh kar sakte hain
sath chalen hum aur duniya ki aankhen dekhen
hum tere honTon ki larzish kab bhule hain
pani mein patthar phenken aur lahren dekhen
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
