chehron mein nazar aaen aankhon mein utar jaen

chehroñ meñ nazar aa.eñ āñkhoñ meñ utar jaa.eñ

ham tujh se judā ho kar har samt bikhar jaa.eñ

din bhar kī mashaqqat se thak haar ke ghar jaa.eñ

aur apnī hī dastak kī āvāz se Dar jaa.eñ

achchhā hai ki ham apne hone se mukar jaa.eñ

yā apnī ḳhabar de kar chupke se guzar jaa.eñ

jis shahr bhī ham jaise barbād-e-nazar jaa.eñ

aurāq musavvir ke tasvīr se bhar jaa.eñ

uḌte hue pattoñ ne mausam kī ḳhabar dī hai

ham phir se sañvarne ko ik baar bikhar jaa.eñ

phūloñ kī qabā pahneñ ḳhvāboñ kī dhanak oḌheñ

ham qarya-e-jānāñ meñ kyuuñ ḳhāk-basar jaa.eñ

chehron mein nazar aaen aankhon mein utar jaen

hum tujh se juda ho kar har samt bikhar jaen

din bhar ki mashaqqat se thak haar ke ghar jaen

aur apni hi dastak ki aawaz se Dar jaen

achchha hai ki hum apne hone se mukar jaen

ya apni KHabar de kar chupke se guzar jaen

jis shahr bhi hum jaise barbaad-e-nazar jaen

auraq musawwir ke taswir se bhar jaen

uDte hue patton ne mausam ki KHabar di hai

hum phir se sanwarne ko ek bar bikhar jaen

phulon ki qaba pahnen KHwabon ki dhanak oDhen

hum qarya-e-jaanan mein kyun KHak-basar jaen