chhai jo har su badli kali aankh mein aansu aae

chhā.ī jo har sū badlī kaalī aañkh meñ aañsū aa.e

dekh sake na panchhī Daalī aañkh meñ aañsū aa.e

mere des kī jannat jaisī dhartī ujḌī ujḌī

har jā dekhī jab bad-halī aañkh meñ aañsū aa.e

ḳhemoñ kī bastī meñ vo jo zinda lāsheñ haiñ

dekh ke un kī aañkh savālī aañkh meñ aañsū aa.e

ThanDā siina dhartī kā hai bhuuk ke maare haiñ sab

din tiira aur raat hai kaalī aañkh meñ aañsū aa.e

kyūñkar ham pardes ko apnā des kaheñ batlāo

kis zālim ne rasm ye Daalī aañkh meñ aañsū

kis ko siine se lipTā.eñ kis kā māthā chūmeñ

dekh ke ghar kā āñgan ḳhālī aañkh meñ aañsū aa.e

jis ne ghar ke bāġhīche ko apne ḳhuun se sīñchā

chhoḌ gayā jab is kā maalī aañkh meñ aañsū aa.e

'amjad' kaisī aag lagī hai lafzoñ ke paanī meñ

ujlī ġhazleñ ho ga.iiñ kaalī aañkh meñ aañsū aa.e

chhai jo har su badli kali aankh mein aansu aae

dekh sake na panchhi Dali aankh mein aansu aae

mere des ki jannat jaisi dharti ujDi ujDi

har ja dekhi jab bad-hali aankh mein aansu aae

KHemon ki basti mein wo jo zinda lashen hain

dekh ke un ki aankh sawali aankh mein aansu aae

ThanDa sina dharti ka hai bhuk ke mare hain sab

din tera aur raat hai kali aankh mein aansu aae

kyunkar hum pardes ko apna des kahen batlao

kis zalim ne rasm ye Dali aankh mein aansu

kis ko sine se lipTaen kis ka matha chumen

dekh ke ghar ka aangan KHali aankh mein aansu aae

jis ne ghar ke baghiche ko apne KHun se sincha

chhoD gaya jab is ka mali aankh mein aansu aae

'amjad' kaisi aag lagi hai lafzon ke pani mein

ujli ghazlen ho gain kali aankh mein aansu aae