chheDne hum ko yar aaj aaya

chheḌne ham ko yaar aaj aayā

baare kuchh chahl par mizāj aayā

taḳht shāhī kā kis ko bhātā hai

ḳhush hameñ faqr hī kā taaj aayā

kisht-e-dil fauj-e-ġham ne kī tārāj

tis pe tū māñgne ḳhirāj aayā

tū ne kyā kyā use ba-tañg kiyā

le ke tujh tak jo ehtiyāj aayā

kī davā dard-e-dil kī bahuterī

raas koī na par ilaaj aayā

mar gayā kal hī 'jur.at'-e-bīmār

tū ayādat ko us kī aaj aayā

chheDne hum ko yar aaj aaya

bare kuchh chahl par mizaj aaya

taKHt shahi ka kis ko bhata hai

KHush hamein faqr hi ka taj aaya

kisht-e-dil fauj-e-gham ne ki taraj

tis pe tu mangne KHiraj aaya

tu ne kya kya use ba-tang kiya

le ke tujh tak jo ehtiyaj aaya

ki dawa dard-e-dil ki bahuteri

ras koi na par ilaj aaya

mar gaya kal hi 'jurat'-e-bimar

tu ayaadat ko us ki aaj aaya