chhoD kar kashanon ko tair gae

chhoḌ kar kāshānoñ ko taa.ir ga.e

roknā chāhā thā par kyūñkar ga.e

pata pata bhī uḌā kar le ga.ī

āñdhī ke ham-rah sabhī manzar ga.e

haañ vahī mausam thā aur ham bhī vahī

raah takte the jo vo be-ghar ga.e

barf thī kohrā bhī thā aur ḳhāmushī

dekh kar vo hādisa ham Dar ga.e

raushnī kā ek hayūlā saath thā

jo havā ke saath the ḳhanjar ga.e

chhoD kar kashanon ko tair gae

rokna chaha tha par kyunkar gae

pata pata bhi uDa kar le gai

aandhi ke ham-rah sabhi manzar gae

han wahi mausam tha aur hum bhi wahi

rah takte the jo wo be-ghar gae

barf thi kohra bhi tha aur KHamushi

dekh kar wo hadisa hum Dar gae

raushni ka ek hayula sath tha

jo hawa ke sath the KHanjar gae