chhoD kar mujhko kahin phir usne kuchh socha na ho

Hakeem Manzoor

chhoD kar mujhko kahin phir usne kuchh socha na ho

Hakeem Manzoor

MORE BYHakeem Manzoor

    chhoḌ kar mujh ko kahīñ phir us ne kuchh sochā na ho

    maiñ zarā dekhūñ vo agle moḌ par Thahrā na ho

    maiñ bhī ik patthar liye thā buz-diloñ bhiiḌ meñ

    aur ab ye Dar hai us ne mujh ko pahchānā na ho

    ham kisī bahrūpiye ko jaan leñ mushkil nahīñ

    us ko kyā pahchāniye jis koī chehrā na ho

    us ko alfāz-o-ma.ānī tasādum khā gayā

    ab vo yuuñ chup hai ki jaise muddatoñ bolā na ho

    dandnātā yuuñ phire hai shahr saḌkoñ pe vo

    jaise puure shahr meñ koī bhī ā.īna na ho

    log kahte haiñ abhī tak hai vo sargarm-e-safar

    mujh ko andesha kahīñ vo raah meñ soyā na ho

    mujh ko ai 'manzūr' yuuñ mahsūs hotā hai kabhī

    jaise sab apne hoñ jaise koī bhī apnā na ho

    chhoD kar mujh ko kahin phir us ne kuchh socha na ho

    main zara dekhun wo agle moD par Thahra na ho

    main bhi ek patthar liye tha buz-dilon ki bhiD mein

    aur ab ye Dar hai us ne mujh ko pahchana na ho

    hum kisi bahrupiye ko jaan len mushkil nahin

    us ko kya pahchaniye jis ka koi chehra na ho

    us ko alfaz-o-maani ka tasadum kha gaya

    ab wo yun chup hai ki jaise muddaton bola na ho

    dandnata yun phire hai shahr ki saDkon pe wo

    jaise pure shahr mein koi bhi aaina na ho

    log kahte hain abhi tak hai wo sargarm-e-safar

    mujh ko andesha kahin wo rah mein soya na ho

    mujh ko ai 'manzur' yun mahsus hota hai kabhi

    jaise sab apne hon jaise koi bhi apna na ho

    Source:

    • Book : Natamam (Pg. 101)
    • Author : Hakeem Manzoor
    • Publication : Samt Publication 2/48 Rajendar Nagar New Delhi-110060 (1977)
    • Edition : 1977
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY