chhup-chhup ke phir nigah-e-karam kar raha hai kaun

chhup-chhup ke phir nigāh-e-karam kar rahā hai kaun

āñkhoñ meñ ashk bād-e-sitam bhar rahā hai kaun

marnā rah-e-vafā meñ hai ḳhud mustaqil hayāt

marne kī aarzū thī magar mar rahā hai kaun

manzil pe aa ke ḳhud mujhe honā paḌā tabāh

mahv-e-nazar farebī-e-rahbar rahā hai kaun

achchhā huā jo shahr-e-tamannā ujaḌ gayā

ḳhud is dayār-e-shauq meñ aa kar rahā hai kaun

'jarrār' har qadam pe mile haiñ suḳhan-farosh

is daur-e-ḳhud-ġharaz meñ suḳhanvar rahā hai kaun

chhup-chhup ke phir nigah-e-karam kar raha hai kaun

aankhon mein ashk baad-e-sitam bhar raha hai kaun

marna rah-e-wafa mein hai KHud mustaqil hayat

marne ki aarzu thi magar mar raha hai kaun

manzil pe aa ke KHud mujhe hona paDa tabah

mahw-e-nazar farebi-e-rahbar raha hai kaun

achchha hua jo shahr-e-tamanna ujaD gaya

KHud is dayar-e-shauq mein aa kar raha hai kaun

'jarrar' har qadam pe mile hain suKHan-farosh

is daur-e-KHud-gharaz mein suKHanwar raha hai kaun