chhup kar na rah sake nigah-e-ahl-e-fan se hum

chhup kar na rah sake nigah-e-ahl-e-fan se ham

mahfil meñ jhāñkte haiñ naqāb-e-suḳhan se ham

kam-baḳht DhūñDhtī hai mohabbat meñ falsafa

tañg aa ga.e haiñ aql ke dīvāna-pan se ham

talḳhī-e-zindagī meñ bhī paane lage miThās

aajiz haiñ apnī fitrat-e-kām-o-dahan se ham

paidā kiyā huā hai hamārā hī sab faroġh

begāna kuchh nahīñ haiñ tirī anjuman se ham

ai mahv-e-nāz aur nayā koī imtihāñ

uktā ga.e haiñ bāzī-e-dār-o-rasan se ham

ik zarra hī sahī magar ai āftāb-e-nāz

sajde karā rahe haiñ tirī har kiran se ham

dete rahe fareb-e-manāzir ke but-kade

dekhā kiye tujhe nigah-e-but-shikan se ham

uThnā hamārā thā ki sabhoñ kī nazar uThī

kuchh jaise le chalūñ huuñ tirī anjuman se ham

ubhrā nahīñ hai sādgī-e-girya kā mazāq

mahfil ye chāhtī hai ki ro.eñ bhī fan se ham

chhup kar na rah sake nigah-e-ahl-e-fan se hum

mahfil mein jhankte hain naqab-e-suKHan se hum

kam-baKHt DhunDhti hai mohabbat mein falsafa

tang aa gae hain aql ke diwana-pan se hum

talKHi-e-zindagi mein bhi pane lage miThas

aajiz hain apni fitrat-e-kaam-o-dahan se hum

paida kiya hua hai hamara hi sab farogh

begana kuchh nahin hain teri anjuman se hum

ai mahw-e-naz aur naya koi imtihan

ukta gae hain bazi-e-dar-o-rasan se hum

ek zarra hi sahi magar ai aaftab-e-naz

sajde kara rahe hain teri har kiran se hum

dete rahe fareb-e-manazir ke but-kade

dekha kiye tujhe nigah-e-but-shikan se hum

uThna hamara tha ki sabhon ki nazar uThi

kuchh jaise le chalun hun teri anjuman se hum

ubhra nahin hai sadgi-e-girya ka mazaq

mahfil ye chahti hai ki roen bhi fan se hum