chhupana bhi jo tum chaho mohabbat chhup na paegi

chhupānā bhī jo tum chāho mohabbat chhup na pā.egī

diyā dil meñ jalegā aur chamak chehre pe aa.egī

hudūd-e-inkisārī se bhī ham aage nikal aa.e

agar tum aur khīñchoge to rassī TuuT jā.egī

samā.at meñ to apnī quvvat-e-ehsās paidā kar

mire dil ke taḌapne kī tujhe āvāz aa.egī

zarūrat ko jakaḌ kar sabr kī zanjīr meñ rakhnā

nahīñ to bhuuk ḳhuddārī ko ik din bech khā.egī

tū apne ap ko sūraj banā kar pesh kar pahle

bas ik maiñ hī nahīñ duniyā tire chakkar lagā.egī

chhupana bhi jo tum chaho mohabbat chhup na paegi

diya dil mein jalega aur chamak chehre pe aaegi

hudud-e-inkisari se bhi hum aage nikal aae

agar tum aur khinchoge to rassi TuT jaegi

samaat mein to apni quwwat-e-ehsas paida kar

mere dil ke taDapne ki tujhe aawaz aaegi

zarurat ko jakaD kar sabr ki zanjir mein rakhna

nahin to bhuk KHuddari ko ek din bech khaegi

tu apne ap ko suraj bana kar pesh kar pahle

bas ek main hi nahin duniya tere chakkar lagaegi