chhupi dil mein jo yaad-e-yar hogi

chhupī dil meñ jo yād-e-yār hogī

masāfat aur bhī dushvār hogī

ḳhabar kyā thī ki haa.il rāste meñ

pas-e-dīvār bhī dīvār hogī

gila inkār kā us se karūñ kyā

koī to sūrat-e-inkār hogī

use jab mānñā kuchh bhī nahīñ hai

dalālat bhī mirī be-kār hogī

mujhe ma.alūm hī kab thā ye pahle

ḳhirad ḳhud hī junūñ-āsār hogī

sar-e-mahfil mirī ātish-bayānī

kisī kā sho.ala-e-ruḳhsār hogī

vo gul mahkegā jab dil ke chaman meñ

mirī har saañs ḳhushbū-dār hogī

ġhurūr-e-sar-bulandī kyā ki ik din

na sar hogā na ye dastār hogī

mirī ḳhāk-e-badan ik roz 'shāhid'

barā.e kūcha-e-dildār hogī

chhupi dil mein jo yaad-e-yar hogi

masafat aur bhi dushwar hogi

KHabar kya thi ki hail raste mein

pas-e-diwar bhi diwar hogi

gila inkar ka us se karun kya

koi to surat-e-inkar hogi

use jab manna kuchh bhi nahin hai

dalalat bhi meri be-kar hogi

mujhe malum hi kab tha ye pahle

KHirad KHud hi junun-asar hogi

sar-e-mahfil meri aatish-bayani

kisi ka shoala-e-ruKHsar hogi

wo gul mahkega jab dil ke chaman mein

meri har sans KHushbu-dar hogi

ghurur-e-sar-bulandi kya ki ek din

na sar hoga na ye dastar hogi

meri KHak-e-badan ek roz 'shahid'

barae kucha-e-dildar hogi