chori kahin khule na nasim-e-bahaar ki
chorī kahīñ khule na nasīm-e-bahār kī
ḳhush-bū uḌā ke laa.ī hai gesū-e-yār kī
allāh rakkhe us kā salāmat ġhurūr-e-husn
āñkhoñ ko jis ne dī hai sazā intizār kī
gulshan meñ dekh kar mire mast-e-shabāb ko
sharmā.ī jā rahī hai javānī bahār kī
ai mere dil ke chain mire dil kī raushnī
aa aur sub.h kar de shab-e-intizār kī
jur.at to dekhiyegā nasīm-e-bahār kī
ye bhī balā.eñ lene lagī zulf-e-yār kī
ai 'hashr' dekhnā to ye hai chaudhvīñ kā chāñd
yā āsmāñ ke haath meñ tasvīr yaar kī
chori kahin khule na nasim-e-bahaar ki
KHush-bu uDa ke lai hai gesu-e-yar ki
allah rakkhe us ka salamat ghurur-e-husn
aankhon ko jis ne di hai saza intizar ki
gulshan mein dekh kar mere mast-e-shabab ko
sharmai ja rahi hai jawani bahaar ki
ai mere dil ke chain mere dil ki raushni
aa aur subh kar de shab-e-intizar ki
jurat to dekhiyega nasim-e-bahaar ki
ye bhi balaen lene lagi zulf-e-yar ki
ai 'hashr' dekhna to ye hai chaudhwin ka chand
ya aasman ke hath mein taswir yar ki
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
