chuTkiyan li hi ki uTh baiTh jo mar jae koi

chuTkiyāñ lī hī ki uTh baiTh jo mar jaa.e koī

ai sitamgar tire hāthoñ se kidhar jaa.e koī

kyuuñ kī guzregī na guzroge jo tum yaar idhar

pas ye marzī hai ki bas jaise guzar jaa.e koī

mire marne se tirā shohra huā yā qismat

ki bigaḌ jaa.e koī aur sañvar jaa.e koī

ek dam kā bhī bharosā nahīñ mānind-e-hayāt

bahr-e-hastī meñ habāb aa ke ubhar jaa.e koī

sham.a saañ sar na kaTe us kā ye imkān nahīñ

bazm-e-ḳhūbāñ meñ jo bā-dīda-e-tar jaa.e koī

dil mirā tum ne churāyā mujhe ulTī hai ye fikr

na ḳhabar paa.e koī tā na biphar jaa.e koī

aap ke ahd meñ ye rasm hai dekhī ham ne

ki gunahgār koī aur ho Dar jaa.e koī

ghar se niklo ki hameñ ghar kī na kuchh yaad rahe

ghar meñ baiThe hue kahtī ho na ghar jaa.e koī

yuuñ to samjhe sune aatī nahīñ 'ehsā۔n' ko samajh

kyā tamāshā ho ki dil le ke mukar jaa.e koī

chuTkiyan li hi ki uTh baiTh jo mar jae koi

ai sitamgar tere hathon se kidhar jae koi

kyun ki guzregi na guzroge jo tum yar idhar

pas ye marzi hai ki bas jaise guzar jae koi

mere marne se tera shohra hua ya qismat

ki bigaD jae koi aur sanwar jae koi

ek dam ka bhi bharosa nahin manind-e-hayat

bahr-e-hasti mein habab aa ke ubhar jae koi

shama san sar na kaTe us ka ye imkan nahin

bazm-e-KHuban mein jo ba-dida-e-tar jae koi

dil mera tum ne churaya mujhe ulTi hai ye fikr

na KHabar pae koi ta na biphar jae koi

aap ke ahd mein ye rasm hai dekhi hum ne

ki gunahgar koi aur ho Dar jae koi

ghar se niklo ki hamein ghar ki na kuchh yaad rahe

ghar mein baiThe hue kahti ho na ghar jae koi

yun to samjhe sune aati nahin 'ehsa۔n' ko samajh

kya tamasha ho ki dil le ke mukar jae koi