dagh-e-dil zaKHm-e-jigar yaad aaya

dāġh-e-dil zaḳhm-e-jigar yaad aaya

jab vo mahbūb-e-nazar yaad aayā

yak-ba-yak bujh ga.e āñkhoñ ke diye

kaun ye rashk-e-qamar yaad aayā

lag sakī aañkh na phir tā-ba-sahar

jab vo ḳhvāboñ kā nagar yaad aaya

nazar aate hī nishān-e-manzil

daf.atan raḳht-e-safar yaad aayā

shiddat-e-shauq-e-huzūrī meñ mujhe

sajda yaad aayā na sar yaad aayā

markaz-e-fikr thā ik mahr-jabīñ

matl-e-nūr-e-sahar yaad aayā

tū hai maa.il ba-tabassum 'at.har'

aur mujhe dīda-e-tar yaad aayā

dagh-e-dil zaKHm-e-jigar yaad aaya

jab wo mahbub-e-nazar yaad aaya

yak-ba-yak bujh gae aankhon ke diye

kaun ye rashk-e-qamar yaad aaya

lag saki aankh na phir ta-ba-sahar

jab wo KHwabon ka nagar yaad aaya

nazar aate hi nishan-e-manzil

dafatan raKHt-e-safar yaad aaya

shiddat-e-shauq-e-huzuri mein mujhe

sajda yaad aaya na sar yaad aaya

markaz-e-fikr tha ek mahr-jabin

matl-e-nur-e-sahar yaad aaya

tu hai mail ba-tabassum 'athar'

aur mujhe dida-e-tar yaad aaya