dagh-e-gham dil se kisi tarah miTaya na gaya

dāġh-e-ġham dil se kisī tarah miTāyā na gayā

maiñ ne chāhā bhī magar tum ko bhulāyā na gayā

umr bhar yuuñ to zamāne ke masā.ib jhele

terī nazroñ kā magar baar uThāyā na gayā

rūThne vāloñ se itnā koī jā kar pūchhe

ḳhud hī rūThe rahe yā ham se manāyā na gayā

phuul chunñā bhī abas sair-e-bahārāñ bhī fuzūl

dil kā dāman hī jo kāñToñ se bachāyā na gayā

us ne is tarah mohabbat kī nigāheñ Dālīñ

ham se duniyā kā koī raaz chhupāyā na gayā

thī haqīqat meñ vahī manzil-e-maqsad 'jazbī'

jis jagah tujh se qadam aage baḌhāyā na gayā

dagh-e-gham dil se kisi tarah miTaya na gaya

main ne chaha bhi magar tum ko bhulaya na gaya

umr bhar yun to zamane ke masaib jhele

teri nazron ka magar bar uThaya na gaya

ruThne walon se itna koi ja kar puchhe

KHud hi ruThe rahe ya hum se manaya na gaya

phul chunna bhi abas sair-e-bahaaran bhi fuzul

dil ka daman hi jo kanTon se bachaya na gaya

us ne is tarah mohabbat ki nigahen Dalin

hum se duniya ka koi raaz chhupaya na gaya

thi haqiqat mein wahi manzil-e-maqsad 'jazbi'

jis jagah tujh se qadam aage baDhaya na gaya