dafatan bichhDega wo bhi dil ko ye dhaDka na tha

daf.atan bichhḌegā vo bhī dil ko ye dhaḌkā na thā

jo mire hamrāh thā lekin mirā saaya na thā

soch kā tūfān shādābī bahā kar le gayā

aisā lagtā hai ki ye chehra kabhī merā na thā

mausam-e-gul meñ havā.eñ jaise pathrā.ī rahīñ

ḳhushbuoñ kā koī jhoñkā is taraf aayā na thā

yuuñ achānak jaag jaane kī mujhe aadat na thī

aur us ko bhī shikast-e-ḳhvāb kā ḳhadsha na thā

aaj tā-hadd-e-nazar be-kaif 'manzar' ho gayā

is tarah rañgoñ ko sūraj ne kabhī khāyā na thā

dafatan bichhDega wo bhi dil ko ye dhaDka na tha

jo mere hamrah tha lekin mera saya na tha

soch ka tufan shadabi baha kar le gaya

aisa lagta hai ki ye chehra kabhi mera na tha

mausam-e-gul mein hawaen jaise pathrai rahin

KHushbuon ka koi jhonka is taraf aaya na tha

yun achanak jag jaane ki mujhe aadat na thi

aur us ko bhi shikast-e-KHwab ka KHadsha na tha

aaj ta-hadd-e-nazar be-kaif 'manzar' ho gaya

is tarah rangon ko suraj ne kabhi khaya na tha