dahr mein naqsh-e-wafa wajh-e-tasalli na hua

dahr meñ naqsh-e-vafā vaj.h-e-tasallī na huā

hai ye vo lafz ki sharminda-e-ma.anī na huā

sabza-e-ḳhat se tirā kākul-e-sarkash na dabā

ye zamurrad bhī harīf-e-dam-e-af.ī na huā

maiñ ne chāhā thā ki andoh-e-vafā se chhūTūñ

vo sitamgar mire marne pe bhī raazī na huā

dil guzargāh-e-ḳhayāl-e-mai-o-sāġhar hī sahī

gar nafas jāda-e-sar-manzil-e-taqvī na huā

huuñ tire va.ada na karne meñ bhī raazī ki kabhī

gosh minnat-kash-e-gulbāñg-e-tasallī na huā

kis se mahrūmī-e-qismat kī shikāyat kiije

ham ne chāhā thā ki mar jaa.eñ so vo bhī na huā

mar gayā sadma-e-yak-jumbish-e-lab se 'ġhālib'

nā-tavānī se harīf-e-dam-e-īsī na huā

na huī ham se raqam hairat-e-ḳhatt-e-ruḳh-e-yār

safha-e.ā.ina jaulāñ-gah-e-tūtī na huā

vus.at-e-rahmat-e-haq dekh ki baḳhshā jaave

mujh sā kāfir ki jo mamnūn-e-ma.āsī na huā

dahr mein naqsh-e-wafa wajh-e-tasalli na hua

hai ye wo lafz ki sharminda-e-mani na hua

sabza-e-KHat se tera kakul-e-sarkash na daba

ye zamurrad bhi harif-e-dam-e-afi na hua

main ne chaha tha ki andoh-e-wafa se chhuTun

wo sitamgar mere marne pe bhi raazi na hua

dil guzargah-e-KHayal-e-mai-o-saghar hi sahi

gar nafas jada-e-sar-manzil-e-taqwi na hua

hun tere wada na karne mein bhi raazi ki kabhi

gosh minnat-kash-e-gulbang-e-tasalli na hua

kis se mahrumi-e-qismat ki shikayat kije

hum ne chaha tha ki mar jaen so wo bhi na hua

mar gaya sadma-e-yak-jumbish-e-lab se 'ghaalib'

na-tawani se harif-e-dam-e-isi na hua

na hui hum se raqam hairat-e-KHatt-e-ruKH-e-yar

safha-eaina jaulan-gah-e-tuti na hua

wusat-e-rahmat-e-haq dekh ki baKHsha jawe

mujh sa kafir ki jo mamnun-e-maasi na hua