dam-e-barq-o-baad hota nafas-e-sharar hota
dam-e-barq-o-bād hotā nafas-e-sharār hotā
kisī rañg se to jiinā mujhe sāzgār hotā
mujhe us kī be-ruḳhī kā bhī jo e'tibār hotā
maiñ duā ko haath uThā kar na gunāhgār hotā
na balā se ashk thamte na duā qubūl hotī
maiñ ḳhulus-e-bandgī se to na sharmsār hotā
vo naqāb uTh bhī jaatā to nazar kahāñ se laate
tire rū-ba-rū bhī terā vahī intizār hotā
ġham-e-dostāñ ġhanīmat hai vatan se duur varna
mire dil pe kyā guzartī jo mirā dayār hotā
mujhe 'shor' de rahe haiñ vo fareb-e-tez-gāmī
ki jo do qadam bhī chalte to na e'tibār hotā
dam-e-barq-o-baad hota nafas-e-sharar hota
kisi rang se to jina mujhe sazgar hota
mujhe us ki be-ruKHi ka bhi jo e'tibar hota
main dua ko hath uTha kar na gunahgar hota
na bala se ashk thamte na dua qubul hoti
main KHulus-e-bandgi se to na sharmsar hota
wo naqab uTh bhi jata to nazar kahan se late
tere ru-ba-ru bhi tera wahi intizar hota
gham-e-dostan ghanimat hai watan se dur warna
mere dil pe kya guzarti jo mera dayar hota
mujhe 'shor' de rahe hain wo fareb-e-tez-gami
ki jo do qadam bhi chalte to na e'tibar hota
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
