dam-e-isa yad-e-baiza ke qarine wale

dam-e-īsā yad-e-baizā ke qarīne vaale

ab na mansūr na suqrāt se piine vaale

vahī kuufī vahī lashkar vahī paimān-e-vafā

vahī āsār moharram ke mahīne vaale

dam nikaltā hai na sar jhuktā hai dīvānoñ kā

jaane kis aas pe jiite haiñ ye jiine vaale

ye jo sāhil ke manāzir haiñ jo āvāzeñ haiñ

jā ke us paar na pā.eñge safīne vaale

ham mohabbat kī alāmat haiñ janāb-e-vā.iz

ham adāvat ke talabgār na kiine vaale

ek paiġhām ho shāyad mirī ḳhāmoshī bhī

tujh ko ma.alūm nahīñ lab mire siine vaale

aaj kuchh log haiñ sūrat-gar-e-hālāt 'aḳhtar'

aur kuchh log haiñ maazī ke dafīne vaale

in ko thoḌī sī uḳhuvvat bhī atā ho jaa.e

ye jo lete haiñ tirā naam madīne vaale

dam-e-isa yad-e-baiza ke qarine wale

ab na mansur na suqraat se pine wale

wahi kufi wahi lashkar wahi paiman-e-wafa

wahi aasar moharram ke mahine wale

dam nikalta hai na sar jhukta hai diwanon ka

jaane kis aas pe jite hain ye jine wale

ye jo sahil ke manazir hain jo aawazen hain

ja ke us par na paenge safine wale

hum mohabbat ki alamat hain janab-e-waiz

hum adawat ke talabgar na kine wale

ek paigham ho shayad meri KHamoshi bhi

tujh ko malum nahin lab mere sine wale

aaj kuchh log hain surat-gar-e-haalat 'aKHtar'

aur kuchh log hain mazi ke dafine wale

in ko thoDi si uKHuwwat bhi ata ho jae

ye jo lete hain tera nam madine wale