aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

dam-e-marg baalin par aaya to hota

Imdad Ali Bahr

dam-e-marg baalin par aaya to hota

Imdad Ali Bahr

MORE BYImdad Ali Bahr

    dam-e-marg bālīñ par aayā to hotā

    mire muñh meñ paanī chuvāyā to hotā

    ye sach hai vafādār koī nahīñ hai

    kisī din mujhe āzmāyā to hotā

    tasallī na detā tashaffī na kartā

    mire rone par muskurāyā to hotā

    mujhe apnī furqat se maarā to maarā

    dam-e-naz.a mukhḌā dikhāyā to hotā

    ġhalat hai ki murda nahīñ zinda hotā

    mere janāze par aayā to hotā

    vahīñ chauñk uThtā maiñ ḳhvāb-e-lahad se

    mirā shāna ne hilāyā to hotā

    huā iid ke din maiñ qurbān tujh par

    bulā kar gale se lagāyā to hotā

    mire qatl par tum ne biiḌā uThāyā

    mire haath paan khāyā to hotā

    vo suntā na suntā havas to na rahtī

    mirā haal hamdam sunāyā to hotā

    misī par bhī dāġhoñ samra na paayā

    charāġh ik lahad par jalāyā to hotā

    gilā hai mujhe tum se murġhān-e-gulshan

    kabhī dard merā baTāyā to hotā

    kabhī mere jānib se parvāz karte

    koī hāl-pursī ko aayā to hotā

    nahīñ ye bhī shikva na aa.e na aa.e

    guloñ ko mirā ġham sunāyā to hotā

    dar-o-bām 'bahr' ḳhvāhāñ nahīñ maiñ

    mire āshiyāne meñ saayā to hotā

    dam-e-marg baalin par aaya to hota

    mere munh mein pani chuwaya to hota

    ye sach hai wafadar koi nahin hai

    kisi din mujhe aazmaya to hota

    tasalli na deta tashaffi na karta

    mere rone par muskuraya to hota

    mujhe apni furqat se mara to mara

    dam-e-naza mukhDa dikhaya to hota

    ghalat hai ki murda nahin zinda hota

    tu mere janaze par aaya to hota

    wahin chaunk uThta main KHwab-e-lahad se

    mera shana tu ne hilaya to hota

    hua id ke din main qurban tujh par

    bula kar gale se lagaya to hota

    mere qatl par tum ne biDa uThaya

    mere hath ka pan khaya to hota

    wo sunta na sunta hawas to na rahti

    mera haal hamdam sunaya to hota

    misi par bhi daghon ka samra na paya

    charagh ek lahad par jalaya to hota

    gila hai mujhe tum se murghan-e-gulshan

    kabhi dard mera baTaya to hota

    kabhi mere jaanib se parwaz karte

    koi haal-pursi ko aaya to hota

    nahin ye bhi shikwa na aae na aae

    gulon ko mera gham sunaya to hota

    dar-o-baam ka 'bahr' KHwahan nahin main

    mere aashiyane mein saya to hota

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now