dam-e-suKHan hi tabiat lahu lahu ki jae

dam-e-suḳhan hī tabī.at lahū lahū kī jaa.e

koī to ho ki tirī jis se guftugū kī jaa.e

ye nukta kaTte shajar ne mujhe kyā ta.alīm

ki dukh to milte haiñ gar ḳhvāhish-e-numū kī jaa.e

kashīda-kār-e-azal tujh ko e'tirāz to na.iiñ

kahīñ kahīñ se agar zindagī rafū kī jaa.e

maiñ ye bhī chāhtā huuñ ishq kā na ho ilzām

maiñ ye bhī chāhtā huuñ terī aarzū kī jaa.e

mohabbatoñ meñ tū shajre kā bhī nahīñ mazkūr

tū chāhtā hai ki maslak pe guftugū kī jaa.e

mirī tarah se ujaḌ kar basā.eñ shahr-e-suḳhan

jo naql karnī hai merī to hū-ba-hū kī jaa.e

dam-e-suKHan hi tabiat lahu lahu ki jae

koi to ho ki teri jis se guftugu ki jae

ye nukta kaTte shajar ne mujhe kya talim

ki dukh to milte hain gar KHwahish-e-numu ki jae

kashida-kar-e-azal tujh ko e'tiraaz to nain

kahin kahin se agar zindagi rafu ki jae

main ye bhi chahta hun ishq ka na ho ilzam

main ye bhi chahta hun teri aarzu ki jae

mohabbaton mein tu shajre ka bhi nahin mazkur

tu chahta hai ki maslak pe guftugu ki jae

meri tarah se ujaD kar basaen shahr-e-suKHan

jo naql karni hai meri to hu-ba-hu ki jae