dam na nikla yar ki na-mehrbani dekh kar

dam na niklā yaar kī nā-mehrbānī dekh kar

saḳht hairāñ huuñ maiñ apnī saḳht-jānī dekh kar

shaam se tā-sub.h-e-furqat sub.h se tā-shām-e-hijr

ham chale kyā kyā na lutf-e-zindagānī dekh kar

yuuñ to lākhoñ ġham-zada hoñge magar ai āsmāñ

jab tujhe jānūñ ki lā de merā saanī dekh kar

ab tap-e-furqat se ye kuchh zof taarī hai ki aah

dañg rah jaatī hai ham ko nā-tavānī dekh kar

vāste jis ke hue bahr-e-fanā ke āshnā

vo pasījā bhī na apnī jāñ-fishānī dekh kar

baaz aa 'bīmār' us ke ishq se jaane bhī de

taras aatā hai ye terī naujavānī dekh kar

dam na nikla yar ki na-mehrbani dekh kar

saKHt hairan hun main apni saKHt-jaani dekh kar

sham se ta-subh-e-furqat subh se ta-sham-e-hijr

hum chale kya kya na lutf-e-zindagani dekh kar

yun to lakhon gham-zada honge magar ai aasman

jab tujhe jaanun ki la de mera sani dekh kar

ab tap-e-furqat se ye kuchh zof tari hai ki aah

dang rah jati hai hum ko na-tawani dekh kar

waste jis ke hue bahr-e-fana ke aashna

wo pasija bhi na apni jaan-fishani dekh kar

baz aa 'bimar' us ke ishq se jaane bhi de

taras aata hai ye teri naujawani dekh kar