dar khula subh ko pau phaTte hi mai-KHane ka

dar khulā sub.h ko pau phaTte hī mai-ḳhāne kā

aks sūraj hai chhalakte hue paimāne kā

husn maujoñ kā chhalaknā bhare paimāne kā

raqs pariyoñ kā hai aalam hai parī-ḳhāne kā

haa.e zanjīr-shikan vo kashish-e-fasl-e-bahār

aur zindāñ se nikalnā tire dīvāne kā

sadqe us soz ke jo soz ho us husn ke saath

sho.ala goyā par-e-parvāz hai parvāne kā

hoñ vahāñ ġham hai jahāñ hasti-e-mauhūm mirī

dūsrā naam adam hai mire vīrāne kā

na bayāñ ho jo mile sub.h-e-azal shām-e-abad

hashr hai beach kā TukḌā mire afsāne kā

parda bhī baat bhī jalva bhī pas-e-dāman-e-barq

shoḳhiyāñ haiñ ki ye andāz hai sharmāne kā

baal ke badle nazar aate haiñ is meñ sau chaak

aks ā.īna-e-dil par bhī paḌā shāne kā

peT meñ ḳhum ke hai jo kuchh vo bharā hai is meñ

muñh na khulvā are vaa.iz mire paimāne kā

kyā tasavvur hī se uTh jaate haiñ parde dil ke

dil bhī kyā naam hai un ke kisī kāshāne kā

rakhtī hai ālam-e-nau sorish-e-hañgāma-e-ishq

hashr ik harf-e-ġhalat hai mire afsāne kā

aap ke haar kī kaliyoñ se ye milne kā nahīñ

dil hai miTTī kā na ghulne kā na murjhāne kā

khiñchne vaalī kī jhalak dekhī hai jab se saaqī

dekhnā muñh mujhe añgūr ke har daane kā

phirtī hai hashr ke din aañkh ke nīche shab-e-vasl

haa.e andāz vo us zulf ke bal khāne kā

sham-e-ka.aba rahe mahfūz ilāhī tā-hashr

naam raushan hai ik ujḌe hue but-ḳhāne kā

na havā thī na mirī āh-e-adū the vo the

haal shab ko na khulā sham.a ke bujh jaane kā

log kahte haiñ ki hai zāhid-e-martāz 'riyāz'

riñd kahte haiñ use chor hai mai-ḳhāne kā

dar khula subh ko pau phaTte hi mai-KHane ka

aks suraj hai chhalakte hue paimane ka

husn maujon ka chhalakna bhare paimane ka

raqs pariyon ka hai aalam hai pari-KHane ka

hae zanjir-shikan wo kashish-e-fasl-e-bahaar

aur zindan se nikalna tere diwane ka

sadqe us soz ke jo soz ho us husn ke sath

shoala goya par-e-parwaz hai parwane ka

hon wahan gham hai jahan hasti-e-mauhum meri

dusra nam adam hai mere virane ka

na bayan ho jo mile subh-e-azal sham-e-abad

hashr hai beach ka TukDa mere afsane ka

parda bhi baat bhi jalwa bhi pas-e-daman-e-barq

shoKHiyan hain ki ye andaz hai sharmane ka

baal ke badle nazar aate hain is mein sau chaak

aks aaina-e-dil par bhi paDa shane ka

peT mein KHum ke hai jo kuchh wo bhara hai is mein

munh na khulwa are waiz mere paimane ka

kya tasawwur hi se uTh jate hain parde dil ke

dil bhi kya nam hai un ke kisi kashane ka

rakhti hai aalam-e-nau sorish-e-hangama-e-ishq

hashr ek harf-e-ghalat hai mere afsane ka

aap ke haar ki kaliyon se ye milne ka nahin

dil hai miTTi ka na ghulne ka na murjhane ka

khinchne wali ki jhalak dekhi hai jab se saqi

dekhna munh mujhe angur ke har dane ka

phirti hai hashr ke din aankh ke niche shab-e-wasl

hae andaz wo us zulf ke bal khane ka

sham-e-kaba rahe mahfuz ilahi ta-hashr

nam raushan hai ek ujDe hue but-KHane ka

na hawa thi na meri aah-e-adu the wo the

haal shab ko na khula shama ke bujh jaane ka

log kahte hain ki hai zahid-e-martaz 'riyaz'

rind kahte hain use chor hai mai-KHane ka