dar-o-diwar par saya paDa hai

dar-o-dīvār par saaya paḌā hai

havāoñ meñ namī kā zā.iqa hai

koī tūfān hai kachchā ghaḌā hai

nigāh-e-shauq manzil-āshnā hai

vahī kunj-e-qafas hai aur ham haiñ

vahī ummīd kā jaltā diyā hai

maiñ ā.īne meñ ḳhud ko khojtā huuñ

ye gaañv kab kā ḳhālī ho chukā hai

december kī kahānī aur kuchh thī

mire dil kā ujaḌnā hādisa hai

ġham-e-uqbā ġham-e-daurāñ ġham-e-dil

hameñ kitnā banāyā jā rahā hai

yahāñ insān bo.e jā rahe haiñ

ye jañgal is liye kaaTā gayā hai

qabīla qāfila qaidī qatāreñ

ye manzar shaam tak phailā huā hai

ye rasta duur tak jaatā hai 'rāhil'

hameñ pīchhe bhī muḌ kar dekhnā hai

dar-o-diwar par saya paDa hai

hawaon mein nami ka zaiqa hai

koi tufan hai kachcha ghaDa hai

nigah-e-shauq manzil-ashna hai

wahi kunj-e-qafas hai aur hum hain

wahi ummid ka jalta diya hai

main aaine mein KHud ko khojta hun

ye ganw kab ka KHali ho chuka hai

december ki kahani aur kuchh thi

mere dil ka ujaDna hadisa hai

gham-e-uqba gham-e-dauran gham-e-dil

hamein kitna banaya ja raha hai

yahan insan boe ja rahe hain

ye jangal is liye kaTa gaya hai

qabila qafila qaidi qataren

ye manzar sham tak phaila hua hai

ye rasta dur tak jata hai 'rahil'

hamein pichhe bhi muD kar dekhna hai