dar pe tere pukar ki fariyaad

dar pe tere pukār kī fariyād

sam.a tū ne na yaar kī fariyād

nahīñ suntā hai lāla-rū merā

is dil-e-dāġhdār kī fariyād

aah suntā hai kab vo rashk-e-bahār

ham ne go ab hazār kī fariyād

dekh us rashk-e-gul ko juuñ bulbul

maiñ ne be-iḳhtiyār kī fariyād

hijr meñ tere merī āñkhoñ ne

ro ro jyuuñ ābshār kī fariyād

roz sunte haiñ ham ḳhizāñ meñ aah

bulbuloñ se bahār kī fariyād

sharar-e-garm ishq par jal ke

dil ne ispand-vār kī fariyād

kaun suntā hai kis se jā kahiye

is dil-e-be-qarār kī fariyād

nāla-e-zār ko mire sun kar

ne niiñ ho dil-figār kī fariyād

rāh-e-ulfat meñ maiñ ne har dil chaak

rāh-e-ulfat meñ maiñ ne ho dil chaak

jyuuñ jaras baar baar kī fariyād

gul ne bulbul kī sun lī sun tū bhī

apne mahjūr-e-zār kī fariyād

uff na halq-e-burīda ne kī mire

ḳhanjar-e-ābdār kī fariyād

ho gayā ḳhaak par kisī se na kī

maiñ ne us shahsavār kī fariyād

kyā 'jahāñdār' arz kartā hai

suniyo is ḳhāksār kī fariyād

dar pe tere pukar ki fariyaad

sama tu ne na yar ki fariyaad

nahin sunta hai lala-ru mera

is dil-e-daghdar ki fariyaad

aah sunta hai kab wo rashk-e-bahaar

hum ne go ab hazar ki fariyaad

dekh us rashk-e-gul ko jun bulbul

main ne be-iKHtiyar ki fariyaad

hijr mein tere meri aankhon ne

ro ro jyun aabshaar ki fariyaad

roz sunte hain hum KHizan mein aah

bulbulon se bahaar ki fariyaad

sharar-e-garm ishq par jal ke

dil ne ispand-war ki fariyaad

kaun sunta hai kis se ja kahiye

is dil-e-be-qarar ki fariyaad

nala-e-zar ko mere sun kar

ne nin ho dil-figar ki fariyaad

rah-e-ulfat mein main ne har dil chaak

rah-e-ulfat mein main ne ho dil chaak

jyun jaras bar bar ki fariyaad

gul ne bulbul ki sun li sun tu bhi

apne mahjur-e-zar ki fariyaad

uff na halq-e-burida ne ki mere

KHanjar-e-abdar ki fariyaad

ho gaya KHak par kisi se na ki

main ne us shahsawar ki fariyaad

kya 'jahandar' arz karta hai

suniyo is KHaksar ki fariyaad