dard bahta hai dariya ke sine mein pani nahin
dard bahtā hai dariyā ke siine meñ paanī nahīñ
us kā chaTTān pe sar paTaknā kahānī nahīñ
baat pahuñche samā.at ko tāsīr de kis tarah
lafz haiñ aur lafzoñ meñ zor-e-bayānī nahīñ
TuuT jā.egī dīvār jitnī bhī mazbūt ho
us ke ehsās kī dhuup bhī sā.ebānī nahīñ
kyā samajh-būjh kar ham bhī apnā ḳhudā ho ga.e
jaise duniyā hamesha kī ho dār-e-fānī nahīñ
Dūbte Dūbte naav pahuñchegī ik din zarūr
mere sāhil pe dariyā tirī mehrbānī nahīñ
ham sabhī ek rishte kī mañjdhār meñ qaid haiñ
chīḳhnā kashtiyoñ kā 'zafar' be-ma.ānī nahīñ
dard bahta hai dariya ke sine mein pani nahin
us ka chaTTan pe sar paTakna kahani nahin
baat pahunche samaat ko tasir de kis tarah
lafz hain aur lafzon mein zor-e-bayani nahin
TuT jaegi diwar jitni bhi mazbut ho
us ke ehsas ki dhup bhi saebani nahin
kya samajh-bujh kar hum bhi apna KHuda ho gae
jaise duniya hamesha ki ho dar-e-fani nahin
Dubte Dubte naw pahunchegi ek din zarur
mere sahil pe dariya teri mehrbani nahin
hum sabhi ek rishte ki manjdhaar mein qaid hain
chiKHna kashtiyon ka 'zafar' be-maani nahin
- Book : Ehsas Ki Hijrat (Pg. 44)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
