dard-e-dil ka kise karun izhaar

dard-e-dil kā kise karūñ iz.hār

ġham-e-hijrat ba-jān-e-man bisyār

nargisī chashm ko kahāñ pā.ūñ

jise taskīñ ho ḳhātir-e-afgār

rakhkhūñ apnā kafan silāne ko

pā.ūñ gar mū-e-zulf kā yak-tār

baaqī armāñ rahā ba-dil afsos

jaan jaatī hai yaar yaar pukār

sanamā zālimāñ satā le aa

muntazir koī dam rahā be-shumār

dekhnā dekh le dikhā sūrat

varna phir maiñ kahāñ kahāñ tū yaar

'āfrīdī' girā ba-chāh-e-zanaḳh

māh-e-kan.ān kī tarah lāchār

dard-e-dil ka kise karun izhaar

gham-e-hijrat ba-jaan-e-man bisyar

nargisi chashm ko kahan paun

jise taskin ho KHatir-e-afgar

rakhkhun apna kafan silane ko

paun gar mu-e-zulf ka yak-tar

baqi arman raha ba-dil afsos

jaan jati hai yar yar pukar

sanama zaliman sata le aa

muntazir koi dam raha be-shumar

dekhna dekh le dikha surat

warna phir main kahan kahan tu yar

'afridi' gira ba-chah-e-zanaKH

mah-e-kanan ki tarah lachaar