dard-e-dil yar raha dard se yari na gai

dard-e-dil yaar rahā dard se yaarī na ga.ī

zindagī ham se to be-lutf gizārī na ga.ī

din ke naale na ga.e raat kī zaarī na ga.ī

na ga.ī dil se kabhī yaad tumhārī na ga.ī

ham to ḳhūñ-gashta tamannāoñ ke mātam meñ rahe

sīna-kūbī na ga.ī sīna-figārī na ga.ī

intizār aap kā kab lutf se ḳhālī niklā

rā.egāñ raat kisī roz hamārī na ga.ī

baḳhshvāyā mujhe tum ne to ḳhudā ne baḳhshā

na ga.ī roz-e-jazā baat tumhārī na ga.ī

log kahte haiñ badaltā hai zamāna lekin

din hamārā na gayā raat hamārī na ga.ī

dard-e-dil yar raha dard se yari na gai

zindagi hum se to be-lutf gizari na gai

din ke nale na gae raat ki zari na gai

na gai dil se kabhi yaad tumhaari na gai

hum to KHun-gashta tamannaon ke matam mein rahe

sina-kubi na gai sina-figari na gai

intizar aap ka kab lutf se KHali nikla

raegan raat kisi roz hamari na gai

baKHshwaya mujhe tum ne to KHuda ne baKHsha

na gai roz-e-jaza baat tumhaari na gai

log kahte hain badalta hai zamana lekin

din hamara na gaya raat hamari na gai