dard har rang se atwar-e-dua mange hai

dard har rañg se atvār-e-duā māñge hai

lahza lahza mire zaḳhmoñ kā patā māñge hai

itnī āñkheñ haiñ magar dekhtī kyā rahtī haiñ

ye tamāshā to ḳhudā jāniye kyā māñge hai

sab to hoshyār hue tum bhī siyāne ban jaao

dekho har shaḳhs vafāoñ kā sila māñge hai

kaan sunte to haiñ lekin na samajhne ke liye

koī samjhā bhī to mafhūm nayā māñge hai

dard har rang se atwar-e-dua mange hai

lahza lahza mere zaKHmon ka pata mange hai

itni aankhen hain magar dekhti kya rahti hain

ye tamasha to KHuda jaaniye kya mange hai

sab to hoshyar hue tum bhi siyane ban jao

dekho har shaKHs wafaon ka sila mange hai

kan sunte to hain lekin na samajhne ke liye

koi samjha bhi to mafhum naya mange hai