dard jab sabr ke dhaaron se nikal aae the

dard jab sabr ke dhāroñ se nikal aa.e the

phir munāfiq mire yāroñ se nikal aa.e the

laash paanī meñ paḌī dekh ke tanhā merī

ashk dariyā ke kināroñ se nikal aa.e the

dekh ke āñkh-micholī ko chaman meñ us din

daf.atan phuul bahāroñ se nikal aa.e the

maiñ ne āvāz lagā.ī thī mohabbat le lo

log ujlat meñ qatāroñ se nikal aa.e the

mere aaqā kī risālat kī gavāhī ke liye

mo.ajize chāñd sitāroñ se nikal aa.e the

dard jab sabr ke dhaaron se nikal aae the

phir munafiq mere yaron se nikal aae the

lash pani mein paDi dekh ke tanha meri

ashk dariya ke kinaron se nikal aae the

dekh ke aankh-micholi ko chaman mein us din

dafatan phul bahaaron se nikal aae the

main ne aawaz lagai thi mohabbat le lo

log ujlat mein qataron se nikal aae the

mere aaqa ki risalat ki gawahi ke liye

moajize chand sitaron se nikal aae the