dard KHamosh raha TuTti aawaz rahi

dard ḳhāmosh rahā TūTtī āvāz rahī

merī har shaam tirī yaad kī hamrāz rahī

shahr meñ jab bhī chale ThanDī havā ke jhoñke

tapte sahrā kī tabī'at baḌī nā-sāz rahī

aa.ine TuuT ga.e aks kī sachchā.ī par

aur sachchā.ī hamesha kī tarah raaz rahī

ik na.e moḌ pe us ne bhī mujhe chhoḌ diyā

jis kī āvāz meñ shāmil mirī āvāz rahī

suntā rahtā huuñ buzurgoñ se maiñ aksar 'tāhir'

vo samā'at hī rahī aur na vo āvāz rahī

dard KHamosh raha TuTti aawaz rahi

meri har sham teri yaad ki hamraaz rahi

shahr mein jab bhi chale ThanDi hawa ke jhonke

tapte sahra ki tabi'at baDi na-saz rahi

aaine TuT gae aks ki sachchai par

aur sachchai hamesha ki tarah raaz rahi

ek nae moD pe us ne bhi mujhe chhoD diya

jis ki aawaz mein shamil meri aawaz rahi

sunta rahta hun buzurgon se main aksar 'tahir'

wo sama'at hi rahi aur na wo aawaz rahi