dard ki ek lahr bal khati hai yun dil ke qarib

dard kī ik lahr bal khātī hai yuuñ dil ke qarīb

mauj-e-sar-gashta uThe jis tarah sāhil ke qarīb

mā-sivā-e-kār-āh-o-ashk kyā hai ishq meñ

hai savād-e-āb-o-ātish dīda-o-dil ke qarīb

dard meñ Duubī huī aatī hai āvāz-e-jaras

giriya-e-gum-gashtagī suntā huuñ manzil ke qarīb

aarzū nāyāft kī hai silsila-dar-silsila

hai numūd-e-karb-e-lā-hāsil bhī hāsil ke qarīb

kuchh to ai nazzārgān-e-aish-e-sāhil boliye

kashtiyāñ kitnī huiiñ ġharqāb sāhil ke qarīb

hai abhī vāmāñdgī ko ik safar darpesh aur

hai abhī uftād-e-manzil aur manzil ke qarīb

rang-e-hasrat kā tamāshā dekhnā thā gar tumheñ

raqs-e-āḳhir dekhte tum aa ke bismil ke qarīb

haiñ vo sab 'tishna' sar-e-manzil amīr-e-kārvāñ

jo mile the kārvāñ se aa ke manzil ke qarīb

dard ki ek lahr bal khati hai yun dil ke qarib

mauj-e-sar-gashta uThe jis tarah sahil ke qarib

ma-siwa-e-kar-ah-o-ashk kya hai ishq mein

hai sawad-e-ab-o-atish dida-o-dil ke qarib

dard mein Dubi hui aati hai aawaz-e-jaras

giriya-e-gum-gashtagi sunta hun manzil ke qarib

aarzu nayaft ki hai silsila-dar-silsila

hai numud-e-karb-e-la-hasil bhi hasil ke qarib

kuchh to ai nazzargan-e-aish-e-sahil boliye

kashtiyan kitni huin gharqab sahil ke qarib

hai abhi wamandgi ko ek safar darpesh aur

hai abhi uftad-e-manzil aur manzil ke qarib

rang-e-hasrat ka tamasha dekhna tha gar tumhein

raqs-e-aKHir dekhte tum aa ke bismil ke qarib

hain wo sab 'tishna' sar-e-manzil amir-e-karwan

jo mile the karwan se aa ke manzil ke qarib