dard ki surat mein wo umda sa tohfa de gaya

dard kī sūrat meñ vo umda sā tohfa de gayā

bevafā duniyā meñ jiine kā sahārā de gayā

jism hai āzād lekin dil asīr-e-ishq hai

kuchh haqīqat de gayā vo kuchh fasāna de gayā

saarī duniyā ek din yuuñ hī fanā ho jā.egī

jalte jalte ek parvāna ishāra de gayā

apne mustaqbil ko raushan karne nikle the magar

shahr kā sūraj to āñkhoñ ko añdherā de gayā

ho ga.e kāfūr saare ġham ba-yak-laḳht-o-nazar

jab kabhī vo daad ummīd-e-tamannā de gayā

kis qadar vīrān hai us ke binā saarā chaman

sochtā rahtā huuñ vo kyā le gayā kyā de gayā

raqs-farmā zehn meñ hai ab bhī vo sūrat 'sahar'

jaate jaate apnī yādoñ kā ḳhazāna de gayā

dard ki surat mein wo umda sa tohfa de gaya

bewafa duniya mein jine ka sahaara de gaya

jism hai aazad lekin dil asir-e-ishq hai

kuchh haqiqat de gaya wo kuchh fasana de gaya

sari duniya ek din yun hi fana ho jaegi

jalte jalte ek parwana ishaara de gaya

apne mustaqbil ko raushan karne nikle the magar

shahr ka suraj to aankhon ko andhera de gaya

ho gae kafur sare gham ba-yak-laKHt-o-nazar

jab kabhi wo dad ummid-e-tamanna de gaya

kis qadar viran hai us ke bina sara chaman

sochta rahta hun wo kya le gaya kya de gaya

raqs-farma zehn mein hai ab bhi wo surat 'sahar'

jate jate apni yaadon ka KHazana de gaya